Aakar |  |
| ज्याला पूरा लियौ, अब संविधान देऊ ! [Social Movement From Facebook] Posted: 04 May 2011 08:19 PM PDT
नयाँ संविधान जारी गर्न को लागि, अब १ महिना समय पनि बाँकी छैन । विगत मा समय थप्दा पनि, राजनितिक पार्टिहरुले संविधान बनाउन ध्यान दिएनन्, बरु सत्ता बाँडफाँड मै सबै अल्झिएर बसे । लाजमर्दो कुरा दर्जनौँ पटक प्रधानमन्त्री को निर्वाचन भयो । तलब/भत्ता चाँही खाने तर संविधान भने नबनाउने सभासदहरुलाई खबरदारी गर्न, केही युवाहरुले फेसबुक बाट संविधान समयमै जारी गर्न दवाव अभियान प्रारम्भ गरेकाछन् । "परिवर्तनका लागि हामी नेपाली एक" नामक नाम फेसबुक बाट चालिएको यो कदमलाई समर्थन गर्दै, ३ सय जना भन्दा बढि व्यक्तिले यो पेजलाई 'लाइक' गरिसकेकाछन् र यो क्रम जारी रहेको छ। सबैको साथ र समर्थन हुने हो भने, फेसबुक मा जम्मा भएका समूहले साँच्चिकै भौतिक रुपमै उपस्थिति जनाएर दवाव दिएको खण्डमा अभियानले सफलता पाउने देखिन्छ । पोहोर माओवादीले गरेको अनिश्चितकालिन बन्द तोड्न पनि फेसबुक मा जम्मा भएको समूहले ठूलो भूमिका खेलेको थियो । अझ त्यसको नजिर र भर्खरै ट्युनिसिया र इजिप्टमा भएको कुरालाई हेर्ने हो भने, सबै को साथ सहयोग पाउने हो भने यस फेसबुक अभियानले पनि सफलता पाउने देखिन्छ । उक्त पेजको बारेमा यस्तो लेखिएको छ : • म एक सचेत नेपाली नागरिक हूं। • समृद्द र शान्त नेपाल बनाउने मेरो लक्ष छ। द्वन्दवाट नेपाललाई मुक्त पारी संपूर्ण नेपालीलाई समान हक र अवसर प्रदान गर्न म र म जस्तै करोडौं नेपाली जनता लागि परेका छौं। • हामीले सम्बिधान सभा र ६०१ सभासदलाई बितेको ३ बर्ष प्रत्यक्ष सहयोग गरयौँ। • तर शान्ति र सम्बिधान पुरा हुन सकेको छैन। • हाम्रो धैर्य अव सकिई सकेको छ। अन्तिम आन्दोलनको अब विकल्प छैन, तर राजनैतिक दल (खास गरीकन ३ ठूलादल) र सम्विधान सभालाई स-सर्त अन्तिम मौका दिन्छौं। सर्त : • तर म्याद थप्दा सभासदहरु, उपसभामूख र सभमूख सबैले तलव तथा कुनै पनि भत्ता नपाउने। ३ दलका शिर्ष नेताहरुले सम्विधान निर्माण प्रकृयालाई हाइज्याक गर्न नपाइने, सबै दल र सभासदहरुको पूर्ण सहभागितामा सम्विधान निर्माण प्रकृया अघि बढ्नु पर्ने। • यो "नेपाली जनताको क्रान्ति एउटा सुरुवात मात्र हो, चांडै भविष्यमा जनतामा प्रत्यक्ष समपर्क र सहभागिता हुने गरी कार्यक्रम अघि बढाइने छ। हेरौं कति सभासदहरु र नेताहरुले यस नेपाली जनताको क्रान्तिलाई साथ दिन्छन्? सम्पूर्ण ऐक्यबद्धताका साथ, तपाई पनि यस अभियानलाई समर्थन गर्नुहुन्छ भने, फेसबुक मा यो पेज यहाँ ("परिवर्तनका लागि हामी नेपाली एक") गएर लाइक गर्न सक्नुहुन्छ ।  |
| You are subscribed to email updates from Aakar Post To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |